城中米餐廳 (已結業)

曉麗苑食肆真係好有限, 來來去去得果兩間, 城中米係其中之一,對於我地呢d無飯家庭, 但求就腳, 兩日都會穿插食下, 因為城中米比較貼近一般中式酒家, 有鑊氣小炒之餘, 亦有燒味蒸魚, ...媽媽prefer 呢間多d. 開張至今, 已經幫襯左4年以上, 雖然老闆, 伙計,洗碗姐姐, 都食到熟晒, 可惜咁耐以黎都未試過有任何"甜頭," 雖然呢樣野都只係bonus, 不過做得街坊生意既, 我相信都唔應該吝嗇, 我覺得只不過係一種生意手法啫 ! 就算唔講有咩jetso, 佢既服務都好應該隨住加價有所改善卦, 平日都還可以, 一到大時大節星期六日, 伙計們都做到手忙脚亂, 完全係自亂陣腳, 心唸都做左4年啦, 有咩大場面未見過要亂成咁, 落錯單啦, 記錯枱號啦, 外賣單做唔切啦, ....... 其次係佢既份量, 價錢貴左但係個量又無相對多左, 通漲同最低工資真係影響咁深, 最過份係呢次, 叫左個酸辣雞翼餐肉米綫, 一隻雞翼+一塊餐肉都算喇, 隻雞翼又會唔會細得有d過份 ? 另一次既奶醬多, 係佢太多order 無即時出 or 烘得太耐 or 隔左好多夜既