菓甜品 (已結業)

女人都係鍾意食甜品，無甜品不歡既一個晚上，去左尖沙咀既一間叫菓甜品食野，入到去裝修好舒服燈光都足夠，唔會似得一啲甜品店咁勁黑食食下甜品想訓覺🤙🏻我地嗌左洋甘菊香橙茶，酒醉提子🍇同絲絲入心。佢既絲絲入心並唔係啲芝士拉絲紫薯甜品，而係心太軟係咪估佢唔到呢。等左20分鐘佢終於黎到，佢好特別架放係個朱古力餅既上面，而碗下面係cream同朱古力碎。吉穿左個心太軟撈埋落去食，好食又好玩。而酒醉提子係我比較喜歡既一個甜品，佢有雪糕同好多乾果包括提子同杏脯肉，唔會好甜又健康。而呢到亦都好好，街外有好多鋪頭飲完啲茶加水要額外收費，但呢到唔會咁做，可以同朋友傾耐少少都得😆