青越 (已結業)

成日行經都冇入去食，因為覺得好似伏伏地，但係當朋友話要去坑口食嘢，冇選擇之下我見到呢度啲相好似都唔錯咁就入去試吓啦。通常越南或者泰國嘢我都只會食兩樣嘢，炒金邊粉同埋米紙卷， 除非餐牌上面張相好肉酸，我先至會叫其他嘢。今晚見到餐牌上面張相都正正常常所以照例牌嗌呢兩樣野首先叫咗個炸軟殼蟹米紙卷，賣相唔錯，材料有炸軟殼蟹，米粉，芒果，切幼絲嘅青瓜同埋紅蘿蔔係個卷入邊，加埋醃左嘅紅蘿蔔同白蘿蔔做配菜係出邊，即係圖片上面最常嘅嗰堆嘢。講下個軟殼蟹，太油膩，好在有好多蔬菜搭救，加埋芒果配搭好好，但係如果可以多一舊芒果同埋個軟殼蟹唔好咁油就perfect 。btw加埋酸酸甜甜甜甜嘅魚露真係好好食再叫左個海鮮炒金邊粉個賣相麻麻地，但食落個調味好好，好似好有鑊氣添，朋友試咗一啖都話好食。雖然話係海鮮，但我只係見到兩三隻蝦，仲有扎肉條同埋豆乾條，嚴格來講唔可以叫海鮮炒金邊粉，但見幾好食咁就算啦。記得記得一定要撈埋魚露食呢間野食正正常常，價錢都OK ,會再食多幾次，除咗炸軟殼蟹米紙卷，下次會再叫其他款。