粒粒果甜品 (已結業)

無論之前幾多好評都好，都係無用既，誠信最緊要事緣我返工得45分鐘食飯，打算落左甜品order先， 因為太太想食杏仁蛋白茶，講明半個鐘後返黎拎，佢話ok, 咁我期望佢整好我返黎即刻拎得咁佢收得我錢比埋飛即係有架啦，半個鐘後返到去叫我等一陣，點知見店員同廚房商量完話賣晒，唉但我見到佢剛剛拎左兩碗比客食。。大佬呀，而家晚上8點你話賣晒？雖然店員有道歉，叫我再揀過，但係我dinner time搞鐘要返公司，又食唔到。。。比左半個鐘你都做唔到？仲要賣左比其他人先？你唔係路呀嘛？返到公司打去問佢有無蛋白茶，佢竟然話有喎，真係吹漲上兩次晚上11點收工過去，老闆娘收完錢，等十分鐘之後又話無。。。時間=金錢，等完無得攞，你想點呀請問？唉，我放棄呢間野，想食中式糖水唔該搵第二間，好多款都無，呻完，睇到唔該反省下，我公司好多人叫你外賣，再係咁我會同你宣傳一下。