上海婆婆 (已結業)

今個星期日晚响屯門行完街，去咗上海婆婆度食飯，點咗小籠飽，窩貼，雲吞湯拉麵，京葱回窩肉，魚香茄子，婆婆粗炒，炸曼頭同豆沙窩餅。小籠飽同窩貼嘅皮好怪，似超市D急凍貨。雲吞湯拉麵最正。婆婆粗炒都OK 。京葱回窩肉啲味怪怪地，唔似平時食開嗰D，味道無咁濃。魚香茄子有蕃茄汁味，似意大利菜多D，可改名意式肉絲茄子。炸曼頭個心好乾，豆沙窩餅痳麻。最精彩係結賬嘅時候，我簽Visa單時無簽貼士，位侍應姐姐即刻變面，粒聲唔出，摺起張收據同Visa咭，一嘢飛番我，轉身即走。下次請我都唔去喇 !!!