潮豐潮洲牛肉店

營業中

休息中

是日夜晚突然想食打邊爐，咁岩行到千色附近，就同朋友黎到呢間鋪頭落腳。一坐低就叫左個炒蜆同一碟牛。話咁快d蜆就黎到，但果碟蜆真系令我覺得自己系度玩緊估邊個蜆有肉既遊戲。仲有大部分都系未開口，叫我點食？咁我就唔理住碟蜆，轉到碟牛肉度。曾經睇過呢間既食評話呢間既手切牛肉很不錯。但系食過後先知原來唔系。佢既牛肉切得比普遍既厚，但除左口感上既分別之外就真系好似系佳寶買碟牛肉翻黎自己打邊爐咁。而食左陣之後我朋友口渴想要罐可樂飲下，點知過左5分鐘左右都無人理。但我同我朋友其實就坐系門口位，點解會無人見到我地呢？呢間野服務態度欠佳，食物方面無乜特別，無令我再黎食既理由。