樂家蒸籠料理 (已結業)

第一次去食, meun 無乜得揀, 啲 A,B,C,D 餐要成$60-$80一個, 見佢招牌sale蒸籠, 所以就叫咗個E餐, 即係牛肉豆腐蒸籠飯呢個飯, 淡而無味, 又無汁, 即係乾食個白飯, 而啲牛肉我就唔知有咩特別, 普普通通咁好似平時食嘅日式煮法囉, 而豆腐, 你都唔好諗會好好味啦, 始終豆腐唔係要食好入味嘅.我食完, 好似食咗個淡水飯咁, 食唔到蒸籠嘅特別味道, 連蒸籠嘅竹味都無, 唔會唔飽, 不過食完後個口淡到好似飲完5升水一樣, 之後我要去買返杯coffee試下我啲味蕾有冇問題添~~~成$68仲要加一, 呢個價錢, 去牛陣食到飽死都得喇!就算唔去牛陣, 吉野家可以用一半以下嘅價錢, 但就一定可以食到好食過佢好幾倍嘅牛肉飯! 仲有, 去吉野家都有杯可樂飲, 呢間嘢連茶都無, 得水飲咋!