蝦棧 (已搬遷) 新店位置

無訂位之下有位，唔好錯過呢個機會，見咁多個笑面，都幾有期望。叫左青檸辣椒蝦，麻辣臭豆腐湯，油麥菜，同魯肉飯。叫左個蝦，佢就有人喺門口個大蝦缸捉蝦，有好生猛嘅，有瞓左覺嘅。一鍋有8隻，第一口啜佢啲汁，好清新嘅青檸汁，好少煮蝦有哩個味，正！之不過隻蝦就令人失望，雖然個頭有羔，但蝦係完全無應有鮮蝦味，食晒咁多隻嘅感覺都係一樣，勁失望，幾多蝦羔蝦子都無用。另一個麻辣臭豆腐湯，唔臭但味道尚可。至於個魯肉飯，有隻好味嘅鹵蛋，但唔夠肥羔，味唔夠濃，飯又太濕。最後個油麥菜亦都無乜驚喜。所以總結，一次夠了。