吉吉魚蛋 (已結業)

美孚區唔多小販檔，一喺晌美孚廣場嗰邊，一喺就晌萬事達廣場背脊位大天橋底下，有檔「吉吉魚蛋」賣港式小食，咖喱魚蛋、碗仔翅、生菜魚肉……等等「名物」，而雞蛋仔同格仔餅又點少得架，而老闆仲棟個易拉架，寫住雞蛋仔喺店長推介必試產品，但我又好想食底格仔餅頂頂肚，因為今晚夜食飯。格仔餅 $11平時都見唔少人幫襯，但小弟幫襯之時就正正無乜人，仲新鮮即做好快有，攞上手熱辣辣，可惜食落無乜蛋味，未夠鬆脆，而花生醬、煉奶、沙糖又少得可憐，難道物價如此飛漲？公道啲講句，依家鋪租、人工猛升，仲喺$11底，可能都無乜點賺都唔定。啲雞蛋仔除話店長推介，仲寫住古法泡製，鬆脆香甜，有機會都試一試先，免得一底格仔餅定佢生死吖。