蒲東小館 (彌敦道) (已結業)

其實呢個到又唔係真係太劣嘅，只係唔太係我口味。睇完醫生見近近地黎食野。都係叫返平時會食開嘅上海餸，烤麩，肴肉、黃魚麵同小籠包。烤麩好食，夠濃夠入味。但除咗呢個之外其他都好淡味。黃魚麵個湯底都比較淡身，飲到尾會有少少胡椒味。麵底係粗麵底，味淡吸唔到湯味。黃魚偏腥，食到其實有加到雪菜嘅，但完全無雪菜味，鹹味都無。小籠包無吸引力，湯汁好普通，而且皮太乾，唔單痴住個唇，仲有陣粉味又易穿。之後唔夠食叫多個肴肉。肴肉都係味淡。上海菜講求濃油赤醬，只少你畀返少少味道黎丫?