湯品小棧 (已結業)

最中意四圍食唔同餐廳既我，見這間小店入選了2016年的米芝蓮，就去試下。因為係星期日既關係，所以係無午餐同下午茶優惠。湯品總共有6款選擇，有3個清湯、3個濃湯。叫左一個松茸燉湯套餐+蕃茄豬軟骨+紅米飯燉湯配料有雞肉、蘿蔔絲及木耳，味濃中帶點松茸香，感覺新鮮。燉湯的色澤清澈，湯的味道好清幽。豬軟骨食唔出有蕃茄味，但就炆得軟腍，連軟骨都可以食埋。另一個係蟲草花燉湯套餐+台灣水餃+新竹米粉+合桃米露湯料有蟲草花、蘿蔔絲及木耳，d湯好香濃，雖然寫住係濃湯，但飲落都好清甜，唔會過份濃烈。台灣水餃有5隻細細隻，餃子的皮很Q又有彈性，煮得恰到好處。新竹米粉比廣東米粉細又軟，口感唔錯，不過因為真係乾米粉，所以無咩味道，要加湯一齊食先比較好食。合桃米露既合桃味好香，味道唔會太甜，清清地。兩個燉湯都係好正既老火湯，而且真材實料，黎到d湯重好熱，飲得出完全冇味精，材料都十分入味。見佢個燉湯好似細細碗咁，我地連湯帶料全部套餐既野食晒都好夠飽。