影片
更多
2023-12-20
67 瀏覽
經過登龍街，聽到呢間嘅姐姐不斷咁樣嗌’冇味精雞湯，入嚟試吓啦。’ 我竟然真係同朋友入咗去，因為好似好耐冇食過呢一類中式嘅嘢。見到隔籬枱嗌咗一隻砂鍋雞，自己見到都想叫，結果我地叫咗砂鍋花膠雞湯翅($94): 上菜嘅時候姐姐都話小心睇熱，一上菜就聞到好香嘅雞湯味，真係會熱到辣嘴嗰隻。叫咗刀削麵底，呢個配搭都幾新鮮，雞湯清甜，而且真係好有雞味，煲到呢個色，我相信佢哋真係用咗唔少料。雞本身唔知係咪用上三黃雞，好有雞味同埋d雞油好香。花膠有兩大舊，翅亦都有唔少嘅份量。口水豬手撈刀削麵($90): 豬手幾肥美，而且辣度對於我地黎講啱啱好，對唔食辣嘅人來講可能會太辣，但係好貼心嘅係我聽到隔籬枱會驚太辣， 侍應姨姨會叫廚房特登整小辣啲又或者辣可以另上，好貼心嘅服務。涼拌海蜇手撕雞($58) : 呢個價錢嚟講自己覺得可以再大碟少少，但係調味啱啱好，惹味得黎麻油嘅比例好好，唔會太過搶味，而且加上蘿蔔同埋青瓜絲成件事個口感再爽啲，呢個好味。雲腿浸娃娃菜($58): 上菜嘅時候聞到好大浸鹹香味，但係食落就唔係太覺，而且娃娃菜可以再煮耐啲，中間嘅心再淋啲會再好食啲。豆漿(+$9): 跟餐半價，有啲太甜，正常味
砂鍋花膠雞湯翅($94):
上菜嘅時候姐姐都話小心睇熱，一上菜就聞到好香嘅雞湯味，真係會熱到辣嘴嗰隻。叫咗刀削麵底，呢個配搭都幾新鮮，雞湯清甜，而且真係好有雞味，煲到呢個色，我相信佢哋真係用咗唔少料。雞本身唔知係咪用上三黃雞，好有雞味同埋d雞油好香。花膠有兩大舊，翅亦都有唔少嘅份量。
口水豬手撈刀削麵($90): 豬手幾肥美，而且辣度對於我地黎講啱啱好，對唔食辣嘅人來講可能會太辣，但係好貼心嘅係我聽到隔籬枱會驚太辣， 侍應姨姨會叫廚房特登整小辣啲又或者辣可以另上，好貼心嘅服務。
涼拌海蜇手撕雞($58) : 呢個價錢嚟講自己覺得可以再大碟少少，但係調味啱啱好，惹味得黎麻油嘅比例好好，唔會太過搶味，而且加上蘿蔔同埋青瓜絲成件事個口感再爽啲，呢個好味。
雲腿浸娃娃菜($58): 上菜嘅時候聞到好大浸鹹香味，但係食落就唔係太覺，而且娃娃菜可以再煮耐啲，中間嘅心再淋啲會再好食啲。
豆漿(+$9): 跟餐半價，有啲太甜，正常味。
總結:用冇味精嘅湯底做招牌菜，真係做到佢哋嘅本分，湯夠熱就會自然好飲，而且真係有真材實料，再加上有刀削麵呢個選項令到佢加大咗好多分，我諗如果配米線應該都會幾好食，另外想試嘅會有醉雞或者雲吞雞。
張貼
