范湯皇 (已結業)

之前聽朋友介紹過的私房菜，舊舖係太安樓多年，最近搬左入黎元朗，今日即興去試下，難得有位，聽聞book位都提早好多book，之前去過其他私房菜都係樓上鋪，點知去到係地鋪，仲有落地大玻璃，去到比想像中靚，環境好舒適，點餐係無餐牌的，有三個價錢，$350，$550，$880，咁我哋6位，就叫左$550，每一道菜都好好味，我哋誇張到好似洗碟咁，全部餸清晒，兩籠白飯再加一籠龍仔蒸飯，都食晒，好食程度就唔使講啦，依家出街食飯如果想食中餐，唔係茶餐廳就得酒樓，大排檔，又會擔心衛生問題，或者驚佢啲食材唔新鮮，又好多味精，終於搵到一間，冇味精，又好味😋，又健康，你會feel到老闆娘花咗好多心思去整每一道餸，坐得又舒服，可以成家人坐低傾吓計既地方，相信范湯王會成為以後我哋家庭聚會嘅地點