茶木‧台式休閒餐廳 (已結業)

呢一日，小新同愛麗絲去左食茶木👫 其實小新一開始就唔想食😂 係愛麗絲唔知點解冇啦啦想食，就拉左佢去💁🏽我地都點左午市套餐，先係愛麗絲既花枝丸加薯仔三杯雞配肉燥飯，飲珍珠奶茶(另加$9)。首先，個三杯雞真係唔太好食☹ 雞肉其實冇味，仲要係未熟，可以見到紅色😣 至於個肉燥飯，本來就係細碗裝，仲要肉燥得好少😕 所以成個餐最好食其實係個兩粒花枝丸同杯杯珍珠奶茶🤔之後就係小新既花枝丸加蕃薯牛腩配肉燥麵，飲柚子冰。首先，個牛腩都幾淋，不過味道較淡。至於個肉燥麵都係好細碗，雖然餐牌寫明係細碗，但個餐成$70，份量咁小，味道又唔好，真係唔抵食。唯一可讚既就係茶木既裝潢同餐具設計。因為成間舖既裝潢係好令，俾到人精神清新既感覺，而啲餐具以農田工具為主，例如個匙羹係泥鏟，都幾得意既。