麥當勞

營業中

休息中

食完個下午茶，好似仲差少少先夠飽，聽朋友講麥當勞新出嘅脆薯嘜都 ok，唔知係咪有特別優惠，而家做緊$10/2盒，1盒有6粒，於是咪同人夾份買嚟試。見到有minion嘅紙盒，加上聽人講完，就充滿十萬個期待，返到公司就急不及待開嚟試吓，睇到薯嘜嘅外表唔多吸引，於是我就諗可能薯不可貌相，拎嚟試吓最實際，一拎上手，發現佢係凍嘅，作為炸物，已經有啲失望，中間係薯蓉饀，但成件薯嘜無乜味，可能期望愈大，失望愈大啦! 總之唔太啱我口味。