Sweetology (已結業)

好想睇盧根，個日放左工啲時間得返又一城啱時間又有位，所以同女友去左又一城。買完飛，諗唔到食咩好，又唔想食foodcourt，就係戲院旁邊喱間野求其食啲野。間野係幾靚嘅，不過地方細，同隔離枱隔好近，都有啲嘈。我地叫左個English all day breakfast同一個意粉shareAll day breakfast嘛嘛地。薯條唔熱，淋嘅，明顯放耐左。法蘭克福腸一啲味都無，唔知咩黎。香草腸唔錯嘅，個炒蛋都幾香。黑醋柚子雜菌意粉。喱個幾好味，意粉硬度適中，加黑醋酸酸地，少少柚子甜甜地，幾醒胃。小插曲，個意粉到左先，我同女友餐前祈禱嘅時間，侍應想上埋個all day breakfast比我地，其實佢可以先放係旁邊張枱（連住我地張枱，無人坐緊），但佢就叫左叫我，打斷左我地祈禱，感覺有少少唔尊重。