福門海鮮菜館 (已結業)

已經係上年11月，是晚9點後先到，只有約6抬客，員工都好得閒。向一名男員工下單，分別點了『啫啫芥蘭煲』及『粉絲煲』。因太太不吃辣，所以要求啫啫煲少辣。該員工一聽面露不悅，話：『唔係好辣喳堝，無得走辣。』我話：『你幫我寫少辣啦。』佢開始負氣：『唔辣又點少辣呀？』我聽完都有喲慶：『你照寫啦。』佢轉身走開，留低一句：『是但，盡做啦』 菜上後，一食，不得了，好辣，再望清楚，成碟菜好多辣椒，即刻攞張單來睇，竟然寫住『加辣』． 叫部長來投訴，嗰位天才員工仲走過來問：『你唔係要加辣咩？』講完就走開。 雖然部長話幫我換，但驚第2次唔只加辣， 當然拒絕。該員工好玩唔玩，玩食物，浪費食物，其實好折墮。 講番嘢食，加辣後只有2個字，. 『難食』.