糖老鴨 (已結業)

今晚提早吃團年飯，晚飯之後當然要去食糖水，開心一下😊 。重點係去食湯圓，中國傳統寓意「團團圓圓」。由於我哋早食完晚飯，所以去食糖水唔使等位，進餐途中，已經見到餐廳坐滿人之餘，門口已經開始有人龍等位。「薑湯湯圓（芝麻餡湯圓）」好夠薑！食唔懶薑嘅人士，會覺得好辣。同行朋友就是這個群組的類別，最終未能完成進食整碗薑湯，要中途放棄😅。湯圓大大粒，味道正常。可惜我碗糖水中，有一粒湯圓穿了，相信只是個別事件。希望來年我的荷包也像這粒湯圓一樣，賺到盤滿缽滿！「桂花杞子湯圓（芝麻餡湯圓）」個湯甜咗啲，越飲越口渴。但桂花及杞子味適中，冇偷工減料。「朱古力醬香蕉窩夫配雪糕」每樣野（包括香蕉、窩夫、朱古力醬、雪糕）都正常，沒有驚喜。整體感覺良好。由於是新店，所以衛生方面良好，服務殷勤，而且光線舒適。食物方面中規中矩，沒有難吃的，又沒有驚喜。下次會再幫襯其他食品。*餐廳沒有提供BB櫈。