松記糖水店

營業中

休息中

阿媽心癮起，食食吓飯無嗱嗱話想甜品。於是佢就叫咗阿爸搭車去買，哈哈！一家人很快便揀好，打電話落單，阿爸去到就即刻有得攞。我要了幻彩明珠，阿媽要哈囉，阿爸要了椰果馬蹄露，再加個糖不甩。幻彩明珠不用多說，還是覺得你最好。面頭一層芒果汁，甜度剛好。生果新鮮清甜，有西瓜、哈密瓜、芒果、奇異果，五顏六色。大西米，我的至愛，煮得透心，煙煙韌韌。還有黑珍珠同涼粉，兩者水準皆一如以往。又唔會太凍，較健康。糖不甩呈淺啡色，面頭有好多黃糖。非常煙韌，帶點點薑味，很好！阿媽最愛的哈囉，佢超鍾意食豆同椰汁糕。阿爸個椰果馬蹄露清清地，有蛋花，味道不會太甜，很好。