伊賀日本燒肉料理 (已結業)

好一陣沒吃燒肉放題了，掛念那盡情任點任食的感覺，是日相約朋友來到伊賀，之前食過幾好食㗎。我地食早場，人不太多，店內幾乾淨，枱上用具無黐納納。任食不包括飲品，但枱上有綠茶提供，個人覺得已很足夠，除非想飲冷飲啦。用pad落單方便快捷，基本上很少漏單，除非已售罄。日式燒爐，如燒到燶左，可要求換網的。時間尚早未多食客，店內頗大，如全場一齊燒唔知抽風做得夠唔夠好呢。除了燒肉，仲有刺身食㗎，質素一般啦。壽司幾好食喎，飯軟腍餡多，細細舊剛好一口一件。蟹籽沙律勁多蛋黃醬，正。日式沙律貪佢用麻醬呀～炸物系列，都幾多款，較特別有炸雙皮奶，甜甜地幾得意。燒肉，都係牛、豬、雞啦，肉質一般，但勝在細細塊，焯一焯就熟，好快燒完又下一round，食肉獸啱哂，燒肉燒到飽嘅快感。個人覺得伊賀的豬肉好食過牛肉，可能因為醃左？雞肉同沙鮮都ok嘅，不過是日點的蔬菜沒來，仲想燒下菠蘿。美中不足沒有甜品，如果有雪糕送下就好了。