吃茶三千 (MOKO新世紀廣場)

營業中

休息中

「來自台灣的「吃茶三千」做茶二十餘年，本著匠心與愛茶精神，從去蕪到沖茶，每個步驟用心對待，一絲不苟，力求完美。品牌利用萃茶機以精準溫度、份量及時間，炮製各類茶飲，沖沏出醇香甘甜味道。」吃茶三千前陣子風靡香港，每每經過尖沙咀分店時，都會看到長長的人龍，所以即使耳聞大獲好評，都令我打消了購買既念頭。今日途經旺角Moko，發現只需等十分鐘，即刻滿足下我一直以黎既心願。叫左杯招牌既「國王珍珠奶茶🧋」，材料配搭係鳳眉紅茶、皇家厚奶、國王珍珠。由於第一次試，所以無加加減減，保持佢既「完美100%」。茶同奶味都濃郁，但正正因為咁，感覺好似有點「漏」，不過味道的確係有別於普通奶茶店既奶茶，有佢地自己的風味。值得一讚既係，包裝係我喜歡既風格，打卡真係一流。個人覺得質素未值得花大量時間去等，但好似我今日咁，偶爾行過見到，等既時間唔長，都會再買黎飲。