上海廳 (已結業)

今日家姐生日，佢一向都好中意食上海野既，所以我就揀左屋企附近既一間上海餐廳，點知唔單止無失望，仲好有驚喜添！先講餐廳既環境，我覺得幾特別，有啲傳統既裝飾，幾有中國風格，枱同枱之間既距離唔係太近，唔怕太嘈，可以靜靜地食餐飯，傾下計都得!食物方面，真係有surprise!! 本身以為都係普通上海野，來來去去都係嗰啲，點知都幾多野食，屋企人唔係幾食得辣，但又想飲酸辣湯，同佢講少辣，佢無加到辣椒油，全部人都飲到lam lam利🤤小籠包好薄皮好正宗，真係要輕手啲，唔係就曬左啲熱辣辣既湯汁😍啲staff 都好nice，加水換碟都好快，又會問你啲野岩唔岩食呀，推介下有咩最多人叫，因為屋企人生日係嗰到食埋蛋糕都無加收切餅費，呢個真係抵讚，咁就過左好飽好滿足既一晚😎！