古早台居

營業中

休息中

呢兩年都冇得去旅行，有時都好掛住台灣小食，心癮發作就約埋朋友嚟到旺角食台灣菜。我哋諗住每人叫一個lunch set: 我叫咗台式香蘇雞滷肉飯，朋友就叫咗豬軟骨台式湯麵。我哋兩個foodies 又想食但又怕肥，所以都開心share。 估唔到份量真係好足！香蘇雞炸到金黃色香脆可口，唔會好厚粉又多又油！加埋滷肉汁非常之好送飯。豬軟骨煮得好淋又入晒味，個湯底清清哋加埋麵條好彈口，唔覺意好快就食晒。飲品方面朋友話奶茶冇得輸，我自己就鍾意玫瑰茶又養顏又消滯。