端記茶樓

營業中

休息中

蔡生介紹過有間茶莊位於荃灣川龍村，風景優美，古色古香！仲要用料新鮮，山水泡茶！我呢個為食妹有咩可能唔去試先！我地坐咗喺一樓，外面係全山景嚟架！雀籠掛喺度既場面，恐怕連你與我都幾乎遺忘咗小時候曾經喺茶樓見過喇！自助形式---自己攞碗攞筷子，自已窟茶葉同沖茶！山水茶--都算唔錯啦！點心都係自助形式去攞架！冇牌有價錢，總之你睇啱就攞啦！炸物櫃，鍾意食咩？適隨尊便.... 鵪鶉蛋燒賣，係我食過暫時最好食既一間！佢d豬肉係人手''朵''碎架...味道分明！去到一定要食呀 菜餃d皮太厚喇，唔好食 芋角--又係一樣不可不試既點心！雖然味道偏咸，但係個芋泥真係好足料同好香！ 蒸肉排，我好鍾意呀！因為一d都唔肥！佢全部都係瘦肉嚟架，所以啱我！但係愛半肥瘦既你就未必啱喇！ 銀針粉--味道係ok既，可惜凍咗d 炸蝦角--亦係我食最好食既一間！成隻都係蝦，又彈牙又爽口！真係好好味！不過都係嗰句，可惜凍咗 山水豆腐花，好滑---呢個都要自己窟架，一定要食呀！可以喺大自然既環境嘆茶，其實都係人生一大樂事嚟架！平時係市區咁繁忙，嚟呼吸下新鮮空氣都唔錯！飲完茶仲可以去下面條小溪度玩下水影下相！不過各位要