鼎皇臭臭鍋 (已結業)

今日放工之後，去左尖沙嘴食鼎皇臭臭鍋養生鍋。入到去，環境十分乾淨企理，仲有D小擺設添，令人覺得好舒適。來到呢度緊係叫番個招牌臭臭鍋同羊肉🐑養生鍋啦。外加兩杯野飲，一杯凍熱情果芒果梳打同一杯熱嘅奶綠。臭臭鍋入面食材豐富，有黑豚肉，米血糕，🐷大腸，鴨血⋯米血糕煙煙韌韌，吸收左湯的精華，好惹味。鴨血夠爽口，最好味嘅就緊系個臭豆腐啦，非常入味，口感厚實。個🐑肉鍋的湯底藥材味夠香但唔會話太濃，羊肉片新鮮，肉質嫩滑，無乜羶味，配合埋大量的蔬菜，至啱樂於養生嘅你。不得不提個奶綠，實在拍得住出面D飲品店👍🏻熱情果味濃，冰凍透心涼，為熱辣辣🌞嘅夏天降一降溫🌡