Come Buy (已結業)

一直知道荃灣有呢間台灣野飲熱店，不過因為太遠又人多，都無諗住去試，點知尋日去澳門玩，一落車就發現酒店門口有間come buy！既然咁方便，就梗係試下啦！點知一試上癮，試左三杯！冰淇淋朱古力：最好味！朱古力好滑，好夠朱古力味，據聞係北海道牛奶，所以好好飲！個底Ｄ雪糕好滑，好杰，不過沉晒底，好似琼住咁，飲到最後有少少吃力，但係真係好好味！南洋白芋奶茶：其實係冰沙，可以食到粒粒芋頭粒！無平時的芋頭咁甜，但係好好味！：北海道奶綠：呢個比較普通，我無諗過佢係白色的，奶味好重（因為係北海道牛奶），但就無乜茶味，飲飲下有Ｄ寡，但係都唔錯架！本身已經好大杯，＋2可以有珍珠，男朋友要左珍珠，有成半杯珍珠咁多！原來只要加珠就會係杯度寫住加大珍！好滿足啊！而且只係十零蚊就有咁大杯野飲！好抵！