Maki拉麵 (已結業)

芫荽控見到有新開嘅芫荽拉麵梗係要第一時間去試，點知一試中伏首先佢主打芫荽濃湯，但一啲都唔濃，打碎啲芫荽撈落啲鹽水到攞個色就當係濃湯，仲淡過平時打邊爐啲芫荽湯，麻煩認真煲返個湯出來先話自己係整拉麵。個所謂拉麵，係港式鹼水麵，好似某品牌過年送禮個啲，唔係話要求手打麵，但用返啲高質小小嘅麵得唔得。食第一啖就有鹼水味，已經無心情食落去。食材方面，有三舊叉燒，但size係比標準日式叉燒細，佢三舊先等如人地一舊，味道稍淡，可接受。有條急凍蟹鉗，預期中嘅雪味，但唔知點解要配落芫茜到，一啲都唔夾。有隻紫色糖心蛋，純粹係染色無其他味（應該？），全個麵最正常，算好食。仲有一大抽生芫茜放上面，正常，份量都足夠。個麵整體比人感覺係求其煮，為咗迎合消費者口味整個芫茜拉麵出來，但睇個湯就已經feel到完全無心整，為做而做，點解仲可以過到關拎出來比人食。98蚊真係完全唔值，如果繼續係咁嘅態度就祝佢好運了Btw服務態度係okay