好滾得 (已結業)

今晚約咗朋友食生日飯，就提議試吓依間想試好耐嘅火鍋，因為睇過介紹話係無味精，海鮮又新鮮，即刻吸引到我依個海鮮精首先其實店面不大，坐嘅位置唔算太舒服，不過座位下有個籃仔俾你放袋或者外套，都算幾貼心。一見到依個大石砸死蟹就好想試，同埋新開有特價就試一試佢啦。個蟹真係大隻又多膏，不過個湯係咪真係冇味精我就有啲保留花甲嘅份量都算多，有少少沙，但可以接受。食完個蟹鍋就再叫配料，其實價錢都偏貴同份量唔算多(ps.圖中蜂巢豆腐同豬紅已經開動咗)一共4個人埋單都差唔多300一位，仲要我哋只係叫咗九樣配菜，同埋冇叫肉，再加四杯野飲。不過冇乜配菜特別好味，只有圖中嘅萵苣幾清甜。我覺得個蟹鍋可以一試，但其他食物就唔好抱太大期望嚕。