Via Tokyo

營業中

休息中

未稱得上綠茶控 但係本人對綠茶系既甜品好有要求 皆因中伏太多 試過好多名氣大招牌靚既店都失望而回，今日終於有機會試呢間已經紅左好幾年既甜品店。黎到時見入面FULL HOUSE，都稍等左一陣先入到去。我地兩個人分別叫左【宇治抹茶沙冰】、同埋【黃豆粉白玉紅豆抹茶牛奶雪糕】。【宇治抹茶沙冰】沙冰加上面頭雪糕都係純粹既抹茶！雪糕質感好挺身，15分鐘過後絲毫無溶化既跡象，抹茶味很濃；不過凍到震既沙冰先係主角，濃郁入魂既抹茶味道，感覺係將1000杯綠茶濃縮左喺一啖裡面，加上回甘誘人既尾韻，完全凌駕我記憶中既任何綠茶甜品。一句到尾，係我品嚐過最既綠茶系食品，沒有之一。我肯定自己經已上癮。【黃豆粉白玉紅豆抹茶牛奶雪糕】Darling 叫既呢杯都唔差，裡面集合左好多元素，而每樣野都做到好精細好純粹。原來黃豆粉係可以咁濃味架！紅豆同樣係前所未有咁濃，質感係好似紅豆蓉咁；白玉即係湯圓外層軟綿帶點煙韌；至於on top既綠荼同牛奶紐紋雪糕，牛奶味頗為香濃，兩者其實冇沖突既，但牛奶始於會溝淡左綠茶既味道，為綠茶而黎既建議揀返沙冰。