影片
更多
2014-09-26
4979 瀏覽
小肥每年秋季都會請家人食餐勁，為五位於秋季出生o既屋企人慶祝生辰，一次過請哂可以慳啲 。今年撞啱颱風突襲，差啲以為要改期，幸好「海鷗」迅速離港，晚宴得以如期舉行，大家亦盡興而返。生日宴之蛋糕購於離飯店不遠o既Sift Patisserie，除咗可以直接喺餅店訂購，亦可選擇網上或電話落單，流程簡易快捷。攞蛋糕當日，正當小肥擔心緊「海鷗」訪港會令到生日蛋糕有所延誤時，Sift一位女服務生剛好來電，告知蛋糕已焗製好，並確認五點後可到店舖取貨，細佬鬆咗一口氣o既同時，覺得餅舖好有交帶 。Sift位於灣仔o既分店為地舖，並無花巧o既裝飾，樓面高，冷氣足，陳列櫃內o既糕點排列得整潔吸引，感覺非常衛生。店內有兩位姐姐仔坐陣，幫XO嗰位華藉妹妹面帶微笑，攞完蛋糕亦不忘推介當日o既買二送一西餅優惠，盡責有禮。Raspberry Mille Feuille（$380/磅半）：所謂Mille Feuille千層酥其實即係拿破崙蛋糕，磅半只需$380，功夫未必少過其他款式，但價錢卻較為便宜，而且用材新鮮，實屬抵食 。Sift出品o既紅莓千層酥共三層酥餅，每層同樣香脆鬆化；蛋糕面層擺放有新鮮紅莓，中間夾有
生日宴之蛋糕購於離飯店不遠o既Sift Patisserie，除咗可以直接喺餅店訂購，亦可選擇網上或電話落單，流程簡易快捷。攞蛋糕當日，正當小肥擔心緊「海鷗」訪港會令到生日蛋糕有所延誤時，Sift一位女服務生剛好來電，告知蛋糕已焗製好，並確認五點後可到店舖取貨，細佬鬆咗一口氣o既同時，覺得餅舖好有交帶 。
Sift位於灣仔o既分店為地舖，並無花巧o既裝飾，樓面高，冷氣足，陳列櫃內o既糕點排列得整潔吸引，感覺非常衛生。店內有兩位姐姐仔坐陣，幫XO嗰位華藉妹妹面帶微笑，攞完蛋糕亦不忘推介當日o既買二送一西餅優惠，盡責有禮。
Raspberry Mille Feuille（$380/磅半）：所謂Mille Feuille千層酥其實即係拿破崙蛋糕，磅半只需$380，功夫未必少過其他款式，但價錢卻較為便宜，而且用材新鮮，實屬抵食 。Sift出品o既紅莓千層酥共三層酥餅，每層同樣香脆鬆化；蛋糕面層擺放有新鮮紅莓，中間夾有香甜軟滑o既雲尼拿忌廉，最底層則夾有半酸甜o既紅莓果肉粒及紅莓忌廉，口感豐富，味道清新，醒神消滯。唯一美中不足就係師傅寫錯咗「契爺」個「爺」字 。
買二送一o既三件西餅有膠紙黐住個紙盒，好穩固。Mango Coco（$48）：大肥唔多鍾意食紅莓，所以小肥特別分開買咗件芒果椰子蛋糕比佢食，點知件芒果蛋糕仲酸過紅莓千層酥，食到佢打哂冷震添 。
Sift Chocolate Cake（$48）：此味鎮店之寶果然名不虛傳，其朱古力味香濃甜美，糕身軟滑，蛋糕底仲有層卜卜脆o既朱古力薄脆，完美之作也 ！
張貼
