翠華餐廳 (海趣坊) (已結業)

今日兩點幾入到餐廳, 人客不多, 沒有招呼. 近門口坐下來, 等咗幾分鐘都一樣沒有人招呼. 收銀員見我入嚟都唔會提醒服務員. 見到有一個女侍應迎面走出嚟招手想落單, 佢當我隱形, 原來佢係賣麵包嘅. 後來佢講咗一句有人想落單, 但好似冇人聽到. 又再等咗幾分鐘有個女經理行過, 叫我等一陣, 然後佢就走咗入收銀櫃檯. 又等咗幾分鐘一直冇人招呼. 再同個女經理講, 佢原來同女收銀玩緊手機, 兩個都唔睬我. 然後我就開始發火, 佢哋先好唔願意咁問我食乜嘢！ 冇人招呼不只！主動呼叫又當你冇到！翠華服務而家真係差到咁？