好運泰國美食 (已搬遷) 新店位置

閒來無事做，最好搵食試新嘢，依間普通小店，坐位不多，估唔到看似普通的食材，煮出來的食物又唔錯喎！除了食物之外，店員亦很親切，感覺就像街坊一樣，最重要價錢亦好親民，嘻嘻..."無⻣鳳爪沙律拼炸蝦餅" 無骨鳳爪又爽又夠酸辣，正！而炸蝦餅同平時食開有些不一樣，表面好脆，內裡蝦肉好鮮味，彈得來又鬆鬆的口感，唔會太實心，得喜歡。"炸皮蛋球" 我好鐘意食皮蛋，一食就知這裡的流心皮蛋值得比好高分，外層被蝦餅包住，外脆內軟，口感豐富，真係好食...好好食。"泰式炒通菜" 今期通菜好鮮嫩，加上少少辣味道剛好，又炒得唔太油，唔錯。"泰式鹹魚炒飯" 用咗芥蘭粒粒炒飯，第一次試又幾爽口喎，加埋鹹魚的鹹香味，又好夾，最重要炒飯唔會太鹹，又加分。"柚子果纖蜜" 唔會太甜，果纖又有口感，加上柚子感覺都幾健康。