影片
更多
2019-12-04
293 瀏覽
呢間串燒+麻辣燙小店都算係蕃薯妹嘅串燒飯堂，只要係響荃灣區想食串燒就會諗起佢，幫襯過好多次～ 皆因佢地嘅質素水準一直都keep得好好🥰而且價錢都算平民價～ 仲可以同朋友嚟啤一啤🍻有時想快快脆食碗粉麵都可以試吓呢度嘅麻辣燙或者重慶酸辣粉～ 又平又好味😋。店內坐位唔算多，但尚算幾舒適唔會話好迫。值得一提嘅係侍應姐姐非常Nice，又好傾又好笑容，香港地要有咁親切嘅服務態度唔係經常有，要俾個like佢👍🏻點菜紙有兩張，一張係麻辣燙同酸辣粉，另一張係串燒、小食同飲品，食客自己手寫落單。另外牆上面都有手寫餐牌會寫上當日有得食而點菜紙上無嘅食物。麻辣燙粉絲 $36order咗中辣要粉絲，揀咗豬大腸，娃娃菜，豬紅，生根。湯底好夠味，夠香夠麻，唔會淨係得個辣。粉絲，生根同娃娃菜吸哂味超好味，啱哂鐘意麻辣嘅朋友。豬大腸好好食，唔會有好大陣豬騷味，豬紅都好實淨，唔會一夾就散哂，食完條脷都唔會鞋哂👍👍燒蟶子皇 $45夠哂大隻，真係蟶子皇😍燒得啱啱好熟，隻蟶子仲好多汁唔會乾哂。而且好鮮甜，仲已經剪開咗上枱，好方便唔使好似成條脷咁擺入口🤣🤣AAA牛仔骨 $45燒到大概半熟到7成，牛味好濃，肉好淋好嫩，個面亦燒得夠
有時想快快脆食碗粉麵都可以試吓呢度嘅麻辣燙或者重慶酸辣粉～ 又平又好味😋。
店內坐位唔算多，但尚算幾舒適唔會話好迫。值得一提嘅係侍應姐姐非常Nice，又好傾又好笑容，香港地要有咁親切嘅服務態度唔係經常有，要俾個like佢👍🏻
點菜紙有兩張，一張係麻辣燙同酸辣粉，另一張係串燒、小食同飲品，食客自己手寫落單。另外牆上面都有手寫餐牌會寫上當日有得食而點菜紙上無嘅食物。
麻辣燙粉絲 $36
order咗中辣要粉絲，揀咗豬大腸，娃娃菜，豬紅，生根。湯底好夠味，夠香夠麻，唔會淨係得個辣。粉絲，生根同娃娃菜吸哂味超好味，啱哂鐘意麻辣嘅朋友。豬大腸好好食，唔會有好大陣豬騷味，豬紅都好實淨，唔會一夾就散哂，食完條脷都唔會鞋哂👍👍
燒蟶子皇 $45
夠哂大隻，真係蟶子皇😍燒得啱啱好熟，隻蟶子仲好多汁唔會乾哂。而且好鮮甜，仲已經剪開咗上枱，好方便唔使好似成條脷咁擺入口🤣🤣
AAA牛仔骨 $45
燒到大概半熟到7成，牛味好濃，肉好淋好嫩，個面亦燒得夠香
燒白鱔 $42
白鱔好肥美，而且個皮燒得好香，少少焦但係未算係燶嘅，件鱔好新鮮，咬落去啲肉好爽脆又唔會有腥味
燒花虎蝦 $32
虎蝦都幾大隻，剝開個蝦頭仲有膏可以啜，好新鮮，而且啲肉咬落好爽口好甜
燒羊架 $34
好香羊味，但係唔係接受唔到嘅羊騷味，而且冇燒到熟哂，啲肉仲好嫩，連埋啲脂肪一齊食，超正🤤🤤
燒豚腩 $24
好吸引嘅五花腩😍個面燒得好香口，脂肪同肉一層一層咁，好好味~~
燒豆卜 $16
落咗蜜糖，孜然粉，外層脆脆地，好香好好食，每次必點！
燒露筍仔 $20
露筍仔好鮮甜，同其他嘢食一樣，唔會燒到好乾，咬落仲有汁滲出嚟㗎~
食串燒嘅嘢飲就當然係啤酒啦🤣🤣
普普通通叫咗藍妹，配埋串燒啱曬餸酒，好滿足~~
張貼
