S2 Kitchen (已搬遷) 新店位置

今日同女朋友興祝生日，當然唔慳得啦，之前聽朋友介紹過一間高級日本菜，叫做「S2 kitchen」，價錢都ok唔算話好貴，就決定打電話去訂枱食返餐好嘢，去到中環行上一條舊式的石屎樓梯右手邊就到，其實平時行過都唔會留意，今次特登去先發現到，入到去感覺冷氣非常足夠，大熱天時都覺得很涼快，服務員招呼周到 馬上送上玄米茶。來到這裡當然要點十层海胆杯啦✓，無得輸，超級新鮮鮮甜海膽味，外觀都無敵啦，一層一層色彩繽紛，剩係睇都值回票價。還有點了這個刺身併盤加海腦，店員拿出來時出煙，應該是放了乾冰，很有卓頭，可以保持魚生新鮮，都幾特別。味道方面一定正啦，魚生新鮮美味入口即溶，特別的是海腦，第一次食很珍貴的，原來是吞拿魚的頭部，一條魚只有兩舊。 還有點了火燙海膽壽司，芝士年糕，鰻魚汁餃子和吉列粟米餅。全部都很好吃，呢餐真係滿足了。