影片
更多
2024-06-23
249 瀏覽
無敵係點嘅呢？寂寞？痛苦？記得以前讀書考第一個個人，成日都好多人圍住佢，抄佢既功課，想寂寞都幾難。食肆一樣，當你無敵，只會係好多爭住黎食。🍖隨便叫左一d串燒，可能係老闆娘既姐姐話要唔要試下招牌三寶，下，招牌喎，改，改，即改。真係好食到爆，首先喺雞皮蝦，同行朋友先食，佢問我個蝦殼食唔食得，我奇怪佢點解會咁問，試完之後，原來係個雞皮，好彩有一齊食，先知原來兩者咁夾。仲有個荔枝豚肉，清甜荔枝肉，又係勁夾豚肉既油香，仲增加咗一啲清新。最後就係免治雞串同個蛋，首先將個雞蛋撈埋個醬油，好夠杰身，所以好掛得往個肉，個肉又有空氣感，柔軟嘅感覺，令人食得好舒服。🍖我地叫左超肥美三文魚腩，超爆汁，但係一啲都唔肥膩，青檸汁起到一定嘅功效，但係我覺得唔喺全部原因。我諗唔倒，但係個份油分，真係令人再三回味。🍖再嚟係餃子同明太子玉子燒，簡單到咁嘅菜式，唔知點解都咁好味，我好享受按壓玉子，然後明太子必出黎個一刻。餃子嘅油網擴散得好靚，但個底一啲都唔燶，係技巧吖哈利！🍖Last but not least，燒三文魚飯糰，同埋明太子芝士長竽，三文魚碎同燒焦嘅飯同紫菜互相輝映。明太子，芝士同埋山葯，三種嘅口感，粒質，煙靭
🍖隨便叫左一d串燒，可能係老闆娘既姐姐話要唔要試下招牌三寶，下，招牌喎，改，改，即改。真係好食到爆，首先喺雞皮蝦，同行朋友先食，佢問我個蝦殼食唔食得，我奇怪佢點解會咁問，試完之後，原來係個雞皮，好彩有一齊食，先知原來兩者咁夾。仲有個荔枝豚肉，清甜荔枝肉，又係勁夾豚肉既油香，仲增加咗一啲清新。最後就係免治雞串同個蛋，首先將個雞蛋撈埋個醬油，好夠杰身，所以好掛得往個肉，個肉又有空氣感，柔軟嘅感覺，令人食得好舒服。
🍖我地叫左超肥美三文魚腩，超爆汁，但係一啲都唔肥膩，青檸汁起到一定嘅功效，但係我覺得唔喺全部原因。我諗唔倒，但係個份油分，真係令人再三回味。
🍖再嚟係餃子同明太子玉子燒，簡單到咁嘅菜式，唔知點解都咁好味，我好享受按壓玉子，然後明太子必出黎個一刻。餃子嘅油網擴散得好靚，但個底一啲都唔燶，係技巧吖哈利！
🍖Last but not least，燒三文魚飯糰，同埋明太子芝士長竽，三文魚碎同燒焦嘅飯同紫菜互相輝映。明太子，芝士同埋山葯，三種嘅口感，粒質，煙靭，爽脆，但合一嘅味道，非常配合。
🍺自家製嘅梅酒，好易入口，喺必選推介。
✨️其實而家有好多食肆，喺哩個時勢都做唔往，同啲待應姐姐傾哩個問題，嚇左我一跳，原來佢地已經迎來第15個年頭，而且客人包括左好多日本人，淨係呢點，都可以證明我以上所講，一次都無誇張。慶幸有機會試到呢間餐廳。
張貼
