偉強咖啡奶茶

營業中

休息中

忙裡偷閑, 在深水步, 3點3最好就係嘆偉強蛋牛治。偉強只是一家小小茶檔仔, "行"幾張檯, 企幾個人, 咁就供應到簡單麵食三文治。一order蛋牛治烘底, 阿姐就會拎條麵包, 切出厚厚的兩片。放入多士爐, 不斷"反底做面"咁烘, 厚麵包才會兩邊香脆。重手的牛油, 之後夾上剛煎好, 厚厚一層鮮牛肉蛋, 之後切邊, 好一份為我custom made的蛋牛治!厚身麵包是烘得剛好, 外脆內軟, 配上厚而鬆軟的蛋, 仲滲出啖啖牛味, 是一流。欣賞其牛肉, 自問對牛肉有d要求, 化學的不吃, 加沙嗲汁或黑椒汁求其弄出來的, 更是叫都不會叫, 偉強的真牛肉加上真蛋香煎, 夾麵包來吃, 是百吃不厭。所謂好吃, 就是一切求真材實料。配杯凍齋啡走甜, 又係時候返去做野。