南龍冰室 (已結業)

一早起身就去食個無敵早餐，呢間餐廳最好就係門口有得停車，勁方便！一入去D侍應係串嘅，但係所有嘢都勁快手，見到個餐牌款式好多，個肚都已經打晒鼓！依舊，我叫左我嘅至愛早餐，牛奶麥皮加煉奶，菠蘿油同玻璃樽裝朱古力奶。牛奶麥皮煮得好滑，冇話有一粒粒未熟嘅麥皮，加上煉奶嘅甜係冇得頂架！菠蘿油個皮好鬆脆，麵包嘅外脆內熱令到牛油溶晒好正！再配上玻璃樽裝特別滑嘅有牛奶公司朱古力奶，簡直係完美嘅早餐！非常滿足！令我可以開始美好嘅一天！