浦和日本料理 (已結業)

放工約了義工導師和朋友於荃灣浦和食放題，這裡食放題與一般放題得2小時不同，這裡由7時半食到10半，正，座位好闊好舒服，並不覺得迫，d食物好新鮮，很欣賞職員的服務態度，服務又誠懇，見到碗內裝滿骨和要求飲品，職員即刻換，最正係友人遲入，班職員好醒目知道便帶銘爺過來，叻! 講番食物，食物好新鮮，有朱骨火鍋，有花枝丸，雞肉和肥牛，而翅身方面有三文魚，吞拿魚、希靈魚和帶子，好食^v^，其他和食方面都好多選擇而且味道不錯，炸蝦天婦羅即叫即炸，吉列朱扒手卷、椒鹽雞翼、鯖魚、秋刀魚、煙鴨胸金菇牛肉卷、芝士年糕、一口牛柳粒、一口餃子、芝士焗蠔好惹味，另外炸芝士味道好特別，而多春魚你叫一條真係比一條用碟仔盛載，窩心! 飲品竟然有冷熱清酒和梅酒，好少放題見到有；唯一改善是壽司無火灸系列，而玻璃蝦壽司原來是海老則稍稍失望，小弟共飲了6罐可樂，今餐食得好飽好開心，每人$207，下次有機會定必再黎!