貳號冰室 (已結業)

今日因為人在柴灣工作，對附近食店冇乜頭粹，加上天氣熱行到個人炆炆地，唯有靠直覺，見到工廠區內「貳號冰室 」決定再比機會佢。時間只是12 點多已經全院滿座，茶餐廳優點就係客人食完就撇，吾使唸咁多，所以都好快入座。餐廳內衞生真麻麻，成地垃圾，枱面痴痴立立，見到都令胃口大減。冇乜胃口，唯有求其小小嘢頂下肚。難得有麵包櫃，就吃個包，飲杯嘢算數。菠蘿叉燒包依段時間嘅包當然非新鮮出爐，但拎上手仍然有溫度，包頂層菠蘿皮較為簿身，大力小小拎住巳經碎咗，一啖咬落去巳經吃到餡料，叉燒並非一粒粒，睇落冇中式叉燒包餡料咁靚仔，顏色偏灰灰的，但味道比賣相好，叉燒餡不少，差不多食到尾仲有餡，比坊間的空氣包做得更好吃。熱央溫度足，茶和咖啡比例差小小，味道較苦，花奶不夠，口感也較鞋口，但可以接受。