影片
更多
2020-09-24
89 瀏覽
近排天氣涼涼地，想去BBQ又唔想曬親，之後上網搵到呢間無火自動燒串燒既舖，位置係觀塘駱駝漆大廈，都好方便，於是就訂左位去食啦。一入去店員已經好熱情介紹有咩好食啦，點樣用個爐啦，有咩熟食甜品等等，服務我覺得相當唔錯，而且收碟都好快手，服務好抵讚。到野食方面，出面有得自助拎野食同野飲，飲品櫃大大個，全部紙包同罐裝飲品，鐘意飲咩都有，我覺得種類比好多放題店都好！亦都有煮好既熱食，試左個魚蛋同埋雞翼，魚蛋多汁同彈牙，汁調味幾好。重頭戲串燒方面，真係有好多款可以揀，豬、牛、羊、雞、菜、菇等等。值得推介既有豬五花，一層層既豬五花腩燒出黎油香四溢，外脆內嫩，不過要鐘意食肥肉既人先會啱食。另外京蔥羊肉串都相當唔錯，配上每張枱都有既孜然粉，好夾～另外牛肉都唔錯！主要肉類其實都相當高水準的，而且件件都大件夾抵食。炸物方面，推薦榴槤波波、蝦春卷、炸洋蔥圈。蝦春卷真係少有既好食，好食過唔少茶既春卷，皮脆又薄，入面啖啖蝦肉，十分高質。另外二人起就會送海鮮拼盤，有一隻大茹子以及帶子同青口，我覺得呢個出去燒烤店食都收你一百蚊，而且味道唔錯，燒得剛剛好，青口仲有汁，帶子又嫩。值得一提茄子真係燒得幾好食，可以搵埋三五知
一入去店員已經好熱情介紹有咩好食啦，點樣用個爐啦，有咩熟食甜品等等，服務我覺得相當唔錯，而且收碟都好快手，服務好抵讚。
到野食方面，出面有得自助拎野食同野飲，飲品櫃大大個，全部紙包同罐裝飲品，鐘意飲咩都有，我覺得種類比好多放題店都好！亦都有煮好既熱食，試左個魚蛋同埋雞翼，魚蛋多汁同彈牙，汁調味幾好。重頭戲串燒方面，真係有好多款可以揀，豬、牛、羊、雞、菜、菇等等。值得推介既有豬五花，一層層既豬五花腩燒出黎油香四溢，外脆內嫩，不過要鐘意食肥肉既人先會啱食。另外京蔥羊肉串都相當唔錯，配上每張枱都有既孜然粉，好夾～另外牛肉都唔錯！主要肉類其實都相當高水準的，而且件件都大件夾抵食。炸物方面，推薦榴槤波波、蝦春卷、炸洋蔥圈。蝦春卷真係少有既好食，好食過唔少茶既春卷，皮脆又薄，入面啖啖蝦肉，十分高質。
另外二人起就會送海鮮拼盤，有一隻大茹子以及帶子同青口，我覺得呢個出去燒烤店食都收你一百蚊，而且味道唔錯，燒得剛剛好，青口仲有汁，帶子又嫩。值得一提茄子真係燒得幾好食，可以搵埋三五知己一齊去。
埋單每位$240,個人覺得有少少貴啦，但果到既座位好闊落，而且冷氣都足，食完唔會成身油煙，好過去某啲放題店同人迫埋一張枱仔。綜合而言都值得推介既！
張貼
