鼎家喜筷 (已結業)

幸福雞煲 每位$168，90分鐘無限添加秘製雞件，上檯時職員會蓋上煲蓋計時，夠鐘便可以打開，唔洗自己睇住，既方便又貼心。我地叫左小辣，打開見到一片翠綠嘅芫茜🤡同時陣陣香味撲鼻🤤搞到隔離檯都想叫。稍為攪拌一下，熱辣辣的雞煲非常吸引🤤🤤雞肉鮮嫩，帶點酒香，見到除左雞件之外用料有紫洋蔥、辣椒、芹菜、芫茜等等，令到整個雞煲非常之惹味~ 食到差唔多就可以加料打邊爐，不過由於秘製雞件實在太出色，我地encore左一份已經飽左，於是食埋蔬菜拼盤嘅冬菇、金菇、粟米、京白菜都到頂了🫠飲品方面有花茶、芝士奶蓋、沙冰等選擇，呢荔枝蘆薈綠茶清甜得黎又有口感，啱曬打邊爐/雞煲。