影片
更多
2018-11-29
774 瀏覽
期待已久嘅大埔墟火車站分店終於開咗啦！店鋪一如既往行日式和風裝潢，而且幾光猛，係一個吸睛嘅店鋪。除咗有出名嘅半熟芝士撻同半熟芝士蛋糕買之外，原來依家仲有蛋糕買，我實在太耐無食啦🙈。正因為太耐無食，所以急不及待買咗個半熟芝士撻即場食咗先，然後再買一盒5件嘅半熟芝士蛋糕返屋企同屋企人happy share！🔹半熟芝士撻 $22 即場食嘅關係，店員好貼心比埋紙巾我墊住。第一啖咬落去，係芝士控幸福嘅感覺🤤！撻皮硬度適中又好脆身，而且皮薄餡多。芝士味超香好濃郁，半熟狀態又唔會話太流心，口感軟綿綿，不錯！如果個撻再熱多少少會較佳。$22一個其實都幾貴，不過間唔中食下都ok嘅😂🔹半熟芝士蛋糕 $80 五件 店員好貼心放咗一個小冰袋嘅物體保持住半熟芝士蛋糕嘅溫度，就算我返到屋企即刻食，個口感同蛋糕溫度都keep到！雖然細細舊，但每件都好重身，而且份量岩岩好，唔會驚食唔哂。味道keep到水準，內層芝士軟綿綿真係好正呀，而且食完一件都唔會話有肥膩嘅感覺，好想再繼續食🤤📍半熟工房大埔雅運路大埔墟地鐵站TAP 22號鋪．．環境分數：8/10食物分數：8/10Encore分數：8/10
除咗有出名嘅半熟芝士撻同半熟芝士蛋糕買之外，原來依家仲有蛋糕買，我實在太耐無食啦🙈。
正因為太耐無食，所以急不及待買咗個半熟芝士撻即場食咗先，然後再買一盒5件嘅半熟芝士蛋糕返屋企同屋企人happy share！
🔹半熟芝士撻 $22
即場食嘅關係，店員好貼心比埋紙巾我墊住。第一啖咬落去，係芝士控幸福嘅感覺🤤！撻皮硬度適中又好脆身，而且皮薄餡多。芝士味超香好濃郁，半熟狀態又唔會話太流心，口感軟綿綿，不錯！如果個撻再熱多少少會較佳。$22一個其實都幾貴，不過間唔中食下都ok嘅😂
🔹半熟芝士蛋糕 $80 五件
店員好貼心放咗一個小冰袋嘅物體保持住半熟芝士蛋糕嘅溫度，就算我返到屋企即刻食，個口感同蛋糕溫度都keep到！雖然細細舊，但每件都好重身，而且份量岩岩好，唔會驚食唔哂。味道keep到水準，內層芝士軟綿綿真係好正呀，而且食完一件都唔會話有肥膩嘅感覺，好想再繼續食🤤
📍半熟工房
大埔雅運路大埔墟地鐵站TAP 22號鋪
．
．
環境分數：8/10
食物分數：8/10
Encore分數：8/10
張貼
