Le Jus (已搬遷) 新店位置

台式茶飲一向都係大行其道，我自己都飲唔少🤣不過飲得多呢啲肥仔水都想搵下啲新嘅alternatives，係中環嘅呢間Le Jus就係一個好好嘅選擇，主打天然無添加嘅鮮果smoothie，全部不加糖漿，加入唔同生果配搭打成，色彩繽紛，賣相好吸引🤩🤩仲健康低卡，夏日炎炎係條街想飲返杯凍飲都可以考慮呢個咁健康嘅選擇。我自己好欣賞佢嘅餐牌會清楚寫明每款飲品嘅卡路里👍🏻而且分開fitness、wellness、green、avocado等唔同系列，配合唔同人嘅營養需要同口味，呢一種模式通常係外國好流行，香港就比較少見，好適合注重健康嘅人。Immunity C (芒果、香橙、菠蘿、生薑、檸檬)呢款主要用水果做base，仲有我自己好鍾意嘅薑味，係果汁加少少薑味帶點刺激感好正架😗😗呢款加入唔少tropical fruit，飲到天然水果甜味，仲有強烈又唔會太搶嘅薑味，好refreshing。人均消費：$40推介指數（10分為滿分）：8分