影片
更多
2023-12-26
38 瀏覽
💁♀️💁♂️ 19/12/2023(Tue), Dinner🍽早前💁A先生嘅同事介紹公司不遠處嘅歌賦街有間餐廳有手掌✋🏻咁大嘅海蝦🦐湯麵食，價錢合理而且無味精健康又好食😋😋😋，今晚一於放工後帶埋鍾意食蝦🦐但又唔會自己剝蝦殼嘅💁♀️為食妙妙一齊去食啦！餐廳藍白色嘅外觀再加埋包含晒魚🐟、蝦🦐、蟹🦀嘅logo，喺歌賦街都好易認到同搵到。走小店格局嘅餐廳座位唔算多，約有十個左右高枱高櫈嘅座位同埋兩張小桌子，樓底夠高所以感覺唔會好焗促。餐牌主要係麵食同小食，都係以海鮮類為主，價格合理，走平實路線。餐點用上精緻嘅餐具盛載，再用個托盤整齊的送上，儀式感十足。而今晚我地order咗：🔆 特大海蝦🦐配招牌特濃鮮蝦🦐湯麵🍜（配溏心蛋🥚）（$168，套餐+$20）套餐除咗湯麵之外，仲包埋2款前菜、炒菜或者炸物、生果同埋飲品，加$20絕對值得。前菜係醃青瓜🥒同埋話梅浸車厘茄🍅，份量唔係好大，正好打開胃口去迎接主菜。話梅車厘茄去皮後浸過話梅汁再凍食、入口酸酸甜甜，話梅嘅味道同車厘茄嘅味道十分匹配。炸物係兩隻吉列蝦，食落香脆好食，當然相比湯麵入面嘅主角特大海蝦🦐嘅大小相差好遠，但味道也不差。主角特大海蝦足足有💁A
💁♀️💁♂️ 19/12/2023(Tue), Dinner🍽
早前💁A先生嘅同事介紹公司不遠處嘅歌賦街有間餐廳有手掌✋🏻咁大嘅海蝦🦐湯麵食，價錢合理而且無味精健康又好食😋😋😋，今晚一於放工後帶埋鍾意食蝦🦐但又唔會自己剝蝦殼嘅💁♀️為食妙妙一齊去食啦！
餐廳藍白色嘅外觀再加埋包含晒魚🐟、蝦🦐、蟹🦀嘅logo，喺歌賦街都好易認到同搵到。走小店格局嘅餐廳座位唔算多，約有十個左右高枱高櫈嘅座位同埋兩張小桌子，樓底夠高所以感覺唔會好焗促。
餐牌主要係麵食同小食，都係以海鮮類為主，價格合理，走平實路線。餐點用上精緻嘅餐具盛載，再用個托盤整齊的送上，儀式感十足。
而今晚我地order咗：
🔆 特大海蝦🦐配招牌特濃鮮蝦🦐湯麵🍜（配溏心蛋🥚）（$168，套餐+$20）
套餐除咗湯麵之外，仲包埋2款前菜、炒菜或者炸物、生果同埋飲品，加$20絕對值得。前菜係醃青瓜🥒同埋話梅浸車厘茄🍅，份量唔係好大，正好打開胃口去迎接主菜。話梅車厘茄去皮後浸過話梅汁再凍食、入口酸酸甜甜，話梅嘅味道同車厘茄嘅味道十分匹配。
炸物係兩隻吉列蝦，食落香脆好食，當然相比湯麵入面嘅主角特大海蝦🦐嘅大小相差好遠，但味道也不差。
主角特大海蝦足足有💁A先生手掌✋🏻咁大隻，味道鮮甜而肉質結實彈牙，食完一隻都已經好充實、好滿足😋。
除咗主角之外，呢碗湯麵仲有一隻溏心蛋🥚、兩片魚肉、木耳絲同埋好重要嘅濃濃蝦🦐湯底。其實呢啲配料都好高質素，食完隻好好食嘅海蝦都唔好錯過佢哋。溏心蛋煮得入味，蛋黃嘅流心程度剛好。兩片鱸魚片嫩滑厚肉，但又唔會一夾就散。特濃鮮蝦湯蝦味非常濃郁，入口就好似有大量鮮蝦濃縮咗喺你口入面咁，味道雖濃但又唔會感覺到膩，飲落順喉舒服嘅，配合返彈牙嘅麵條，好快就已經食到碗底朝天😋。
🔆 秘製酸菜魚湯米線（$78，套餐+$20）
另一碗酸菜魚湯米線同樣用上店方自家熬製嘅魚湯底，再配合酸菜煮成湯，味道唔會太酸太辣，係一般人都可以接受到嘅程度，亦都唔會搶去魚嘅鮮甜味道。
碗內有多片鱸魚肉，煮得剛熟嫩滑。配料有木耳絲、粟米🌽粒同酸菜，加上滑滑嘅米線，一啜入口就順勢連湯滑入喉嚨。
前菜同樣係醃青瓜🥒同埋話梅車厘茄🍅，再加埋清清哋嘅炒津白同生果，成個套餐都好豐富抵食。
🔆 蒸魚肉燒賣配招牌特濃鮮蝦汁（$28）
另外我哋都點咗廚師推介嘅蒸魚肉燒賣配招牌特濃鮮蝦汁，呢個小食嘅精髓在於個特濃鮮蝦汁，店方將鮮蝦湯底再煮，收乾水份成為特濃鮮蝦汁淋上燒賣上面，再加少少蛋黃醬mayonnaise平衡返個味道，再灑上少少蝦片碎，趁熱食蝦片碎仍保持到脆度，又唔會覺得膩👍👍👍。
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整體食評：9/🔟
❤🙆♀️(為食妙妙)整體食評：9/🔟
👉🏻 自家熬製嘅無味精海鮮湯底味道濃郁鮮味，即使飲晒都唔會覺得膩同口渴
A先生車友指數 🚗
🛣️ 交通容易指數：🚗🚗🚗🚗(4/5)
🅿️ 泊車容易指數：🚗🚗🚗🚗(3.5/5)
👉🏻 泊車方面可能要考慮泊IFC🅿️
👉🏻 皇后大道中行上嚟歌賦街都係幾分鐘路程，搭港鐵、巴士或者小巴都好方便
🔆🔆🔆🔆🔆🔆🔆🔆🔆🔆🔆🔆🔆
張貼
