金寶蟲草皇湯之日常 (已結業)

身為外食族既我，成日都出街食飯，湯水都無滴到肚，加上之前大病完，身體差左好多，平日行開街見到金寶蟲草之日常，除左售賣乾貨海味之外，仲有賣老火滋潤靚湯同糖水，迎合唔同客人需要，我買左3款產品返去同老公分享💫 花膠海參黨參湯 用玻璃樽裝住，仲有紙盒包裝，密封到完全唔怕瀉！啲料多到爆，仲見到有靚靚養顏花膠，同滋潤養生既海參等湯料！認真用料十足！味道仲勁足勁甜！好甜好飲！💫桃膠雪燕雪蓮子牛奶糖水 又係另一補身之選，有桃膠，雪燕等養顏補身食材，除左養顏之外，仲達到抗皺嫩膚既功效，女士必食！加上用上牛奶燉，味道更香甜💫靈芝石斛龜靈膏 平日食食埋埋咁多熱氣野，點都要食下龜靈膏解毒降火，加上老公成日熬夜，更係需要護肝解毒，食落甘甘地，加上糖水，真係大人小朋友都岩食！湯類選擇都好多架，而且仲有皇牌特飲同即食燕窩售賣，地理位置方便，係旺角站E出口一出就係啦，行開去雅蘭同朗豪坊一定會經過，行過想養顏補身既大家都唔好錯過啊💁🏻‍♀️