LAB10 (已結業)

男友成日都好喜歡食燒肉，無奈我好唔鍾意食完燒肉成身都係燒肉味，點知，比我搵到一間燒肉店標榜無煙燒肉，一於帶男友去試下啦！原來係朗豪坊既lab10，真係一入到間店覺得好光鮮乾淨，一d油煙味都無。再睇下個爐，原來佢係爐邊有d抽氣槽，燒肉既油煙即時被吸晒走，一d都唔會存留係身上，真係非常好。我地叫咗個＄198牛牛板，入面有晒牛牛既唔同部份，全部都有得試下，都幾抵食。最鍾意m5澳洲西冷，食落好甜好有牛味。我地又叫咗份香蔥薄切牛舌，食落都幾有香蔥味，牛舌切得非常之薄，好易咬！佢地個鐵鍋鰻魚炒飯炒得好香，入面有好多鰻魚，食入口係甜甜地既炒飯，好好味，炒飯送燒肉都唔錯！