奇蹟拉麵 ミラクル

營業中

休息中

當初佢哋開係屯門時已經成日聽人講好食，但佢地賣晒就閂門，所以一直係屯門店時都無食過，知道佢搬左去旺角，決定點都要試一試。我哋揀左平日中午時間去，可能熱潮過左，唔算好多人排隊，好快就入得。一入到去環境好細，感覺好迫，而且冷氣唔夠，仲食住碗咁熱嘅拉麵真係好辛苦🥵。叫左一個原味濃拉麵同清湯醬油拉麵，叉燒係慢煮叉燒，望落去有啲粉紅色，但食落好嫩滑👍🏻。原味濃湯底太厚，個人覺得濃得滯🤢，試過之後加醋都好膩，清湯醬油會好啲。但整體都無其他人講到咁好食，有啲失望😔。同埋麵底份量好少😞，兩個女仔去食，都覺得唔飽肚