醉胡爐 (已搬遷) 新店位置

*此餐廳收取加一服務費。胡爐十二道牛盛盒（單點$688），份量多，飛驒和牛油脂部分食落入口即化；牛舌心肉質厚嫩，食落好爽口；牛白肉口感爽脆，油脂味香；紅酒/梅酒浸牛食落類似滑牛肉，比較失望；腩肋條肥瘦比例適中，帶有筋膜；封門柳牛味濃厚；牛頸脊肉味濃香，食落有咬口；坑抓、邊抓食落口感獨特；手切安格斯肥牛、牛展食落都好新鮮。潮汕沙嗲鍋（單點$98），湯底味道正宗，另外，即使加咗幾次湯，沙嗲味道依然濃郁，用嚟配以牛肉打邊爐，真係無得輸，簡直係高級版沙嗲牛肉，內有豬皮，吸收滿滿湯汁。醬料（兩人$56），包括有豉油、香蔥、芫荽、指天椒、蒜蓉、炸蒜、芝麻醬、辣椒油、XO醬，XO醬內有瑤柱，食落好香口。