一番日本料理店 (已易手)

夜晚七點，就已經要等成十幾張枱，不過唔好食又點會咁多人排隊呀！等咗一個鐘，終於有得食啦！先黎個多飯壽司，大件得黎又唔會失去原本嘅鮮味，跟住就係厚切魚生，啲三文魚同八爪魚切到好厚一件，好鮮味，又好有咬口！個鐵板牛舌都比想像中厚切同大件，個味道好有肉味，肉質好嫰，有入口即溶嘅感覺！到最後個炒棘蜆，真係好食到不得了，但一定係要食得棘先好喎！佢啲麻味炒到入晒隻蜆度，而蜆又多，唔似其他地方咁得個殻，啲肉好爽呀，不過食完條脷都麻唒，但值得，值得嘅！