食代館 (MOKO新世紀廣場) (已結業)

行左一陣Moko口喝，想幫襯下Food court “Food Opera”嘅食店，去到sweet scoop, 點選左火龍果雪梨汁。枱面有兩個盤，一個放上新d無霉爛痕嘅雪梨，另一個係浸住水放有5、6個瘀黑霉爛嘅梨。職員一手夾起d霉黑嘅梨放入搾汁機內搾，連雪梨頂部都照搾，我見呢杯應該係搾比我，職員又拎起另一個爛雪梨準備放入搾汁機，我同職員講，你唔好用d爛嘅梨搾比我，跟住佢切左另一半爛嘅走，我話我肚屙返黎搵你，這刻職員才肯倒左原先果杯果汁，重新搾過比我。疫情肆虐，我以為所有人都會講究衛生。我唔明火龍果雪梨汁一杯$36，你用兩三個梨都係幾蚊，你都賺起碼廿蚊。點解可以咁無良心，用d壞嘅梨搾汁比客人飲！一定無下次，但都想比大家知呢間店有幾無良。